但係家陣結完婚，得閒Ｄ就的起心肝轉啦！因為真係太慢又唔好用！

大家以後去呢度啦！

http://hk.myblog.yahoo.com/pinky-ling

(閱讀全文)

十七圍唔洗半粒鐘就敬晒啦,真開心！其間,最搞笑(其實係好興)既係老公不斷用雙腳黎踐踏我條靚裙！無錯！係雙腳！連我阿妹都頂佢唔順成日講"你另外一腳都踩住呀！"好彩我每一次行,我同阿妹都有睇住佢有冇踩住我條裙,唔係發生"甩裙事件"真係呢世都唔洗見人呀！

出奇地我地間酒店樓底咁矮又有水晶燈都可以玩花炮！keke....玩花炮氣氛好D呢！不過,最搞笑係唔知咩原因,當我地行到台上面個時,個位"兄弟"支花炮唔知點解要對住我地兩個人頭黎"Fa"！搞到我地成頭都係！好彩D姊妹拿拿臨幫我地善後！唔係連個樣都影唔到呀！haha....

(閱讀全文)

席前我著左我最鐘意個件EG黎切餅！早黎既賓客仲可以同佢影相TIM!

之後,就著番白底紅花既EG黎影相！未著前,個個姊妹見到都話似民簇服,著上身之後好彩佢地話唔似,仲好靚TIM!

(閱讀全文)

點解呢?就要去番入門個時講起啦！斟茶本身only預左15mins,點知最後over-run左半個鐘！點解會over-run咁多呢...想知就直接問我啦！所以,最後咩都"順延"半粒鐘！本身預左差唔多個半鐘(計埋塞車時間)由天水圍出尖沙咀...最後,得番一個鐘時間,本來無塞車既話,半粒鐘可以出到尖沙咀,點知,果日真係塞車囉,仲塞左四個字！我地2:35先落車！2:40開始註冊！一落車就即係去搞手續仲要補一補妝！呢段時間真係緊張到暈呀！

註完冊就出去影相！點知果日係全年最熱個日---35度！著住個件婚紗....老公著住個幾件衫！真係熱爆！

交換介指

呢件婚紗七月expo先出架！一出我就轉左佢啦！我之前真係無人著(梗係啦,農曆七月)！我係第一個著呢！好開心！唔洗加錢都有"頭啖湯"飲！呵呵...

 簽字！

之前同Maggie傾好佢會八點鐘黎到....我太低能誤以為佢會幫伴娘化先(用半粒鐘)...所以,我大覺訓到七點半先起身(呵呵...竟然訓得好好...都訓左成六粒幾鐘！可能早幾日太攰！)...正係我刷牙洗面敷mask後,Maggie就到啦,起準時！等我係到諗緊仲敷唔敷多個mask之際....Maggie set好壇後,佢就叫我坐低化,我當時先恍然大悟！好彩七點半起身,無八點先起身.....

Maggie為我化既褂Look(最鐘意呢個look,因為有多紅豆同紅玫瑰,"賣飛佛"呀！)....

(左:靚相機影既                                        右:cheap cheap digital cam影既)

同一個地方,同一個人,同一朵花都可以影得好唔同地...左邊既紅玫瑰真係影得超sharp...十萬個鐘意呀！

真係好好彩,買到咁靚既紅玫瑰呀！

出門既過程都好順利,係十一點前出門！無誤吉時！

係到等兄弟佈置花車既時候,見到被軟禁左一晩,正趕急返屋企見媽咪既"包包"(以免佢影響我出門既過程),梗係要影番張相啦！

<--eee..走光仲笑得咁開心！?

食過lunch就同bf分頭行事,佢去酒店試Music+Video,我就去Nail Collections(多謝Candy介紹)到整甲....同埋美甲師Davy講我鐘意French Nail Style + 清清地 + 少少閃(keke..衫可以勁閃, 指甲唔好搞我！)...跟住全權交晒比Davy同我設計！

跟住仲做埋個Hand Spa...隻手即時白一白,滑一滑！

整完指甲差不多六點,所以,就拿拿臨飛車去花墟,又係婚前嚴重選擇恐懼症影響下,所以,買左好多好多花....10支黃天霸白合,10支紅色香水白合,12支紅玫瑰,12支粉紅玫瑰,12支香檳色玫瑰,少少黃黃綠綠既襯花,一大棵紅豆(驚死唔夠！)...本身想買埋小牡丹,點知間間都無！但都拎到我地傻,拎到隻手斷咁滯！

(淨係記得影玫瑰!)

好靚...好襯我件婚紗！不過,要承惠 $58蚊！好掠水！

之後, 同Celia收購兩支酒, 再埋Picasso比埋尾數就閃lu...

姊妹裙到今日仲未可以拎晒！有冇搞錯！

如果大家唔想係婚期前都要成日扑黎扑去陪姊妹試衫既話(想減肥者除外!), 就千其唔好去Elisa Bridal做衫, 唔係一定會激死係山林道20號錦興大廈1202室！唔係佢一二再, 再而三咁反口我都會打呢篇文！

詳情係咁...留心紅字！

5月24日 - 三個姊妹上去度身, 揀款, 揀料。當時, 我表示其餘兩位姊妹起碼要六月尾先可以黎度身！吳太話會先同呢三位姊妹做左先,分兩批做..呢三位姊妹七月尾有得Fitting!

6月7日 - 同伴娘度身做兩條裙(一早一晚)。當時, 吳太話七月尾可以同之前三位姊妹一齊Fitting!

6月21日 - 同其餘兩位姊妹去度身揀款。吳太話要八月尾or九月頭先有得Fitting!

7月21日 - 心思思打去問吳太幾時有得拎..吳太覆:做好會打比你！

8月18日 - 心諗又話七月尾會有得一批，點解仲未有?於是又打去問下，答案係：今個星期尾(8/23)未必有，不過，下星期一二應該有！(分批做既承諾無左啦！)

8月26日 - 仲未收到電話，於是又打去問，答案竟然係：呢個星期尾一定未有，不過，下星期一或二一定有,同埋如果試得o岩身可以即時拎走！(有冇搞錯，過左一星期個答案都係呢個，玩我呀！因為裙未到手，好！忍你．．．)

9月4日 - 約晒咁多人上去Fitting,原來D玫瑰花呀、伴娘條裙既閃石呀、泡泡裙都未整架囉！淨係得一位姊妹既閃石腰帶係整好囉！泡泡裙未整都算啦...我地一早知道要改o岩長度先整！但係個D玫瑰花又未整,伴娘條裙既閃石又未釘！都唔知係好彩定唔好彩,D姊妹既裙又有D鬆又D緊又D長得滯(度身做都咁！)!(心諗,肉隨帖版上,條裙仲係你手, 好...再忍忍...忍你！) 吳太又話下星期二(9/9)一定可以拎！(o岩身可以即刻拎,係咩?)

9月9日 - 兩位蔡小姐無驚無險咁拎走左佢地條裙,到伴娘上去既時候(未夠7pm),吳太竟然話佢條裙既石未釘(@#$%^@#$%...)(又話星期二無問題?原來要黎睇住你釘,咁你今朝又叫我叫D姊妹要今日六點前黎拎D裙走！)...7:XXPM我都到達間鋪, 間鋪當時有十幾廿個人,其間佢不斷咁serve客,又幫伴娘釘下石,我地等到7:50PM就釘完,試上身...點知.....條裙仲係咁長,無改過咁！(原來又未改既！明晒！)吳太係呢個時候就叫我地不如去食飯先...之後,先上黎, 一粒鐘會改好！橫掂真係勁餓, 同埋我係係間鋪到企足成粒鐘,隻腳攰到乜咁,所以,ja ja 臨去食飯先！8:50PM好準時咁上到去！嘩！條裙郁都無郁過囉！佢仲要幫緊其他人(頭先我地離開個時未見過架！即係o岩o岩上黎啦！)釘呢釘路,又改"夾"位！佢話要等多五個字！我無聽錯下話,終於忍唔住...

me:有乜理由幫o岩o岩黎個D可以即時改, 我要係到等..仲要係前前後後等左兩粒鐘啦喎！

Ng:唔係..你等左一個鐘姐！

ME:我地未夠七點到左！等完你釘珠又等你改裙囉,等你改裙長咪得左一粒鐘囉！前前後後咪兩粒鐘囉！我唔係想吹你, 但我今個星期六結婚,今日星期二,你有冇搞錯...(下刪三千字)

佢跟住返到去改...係改埋人地個條先囉！我就繼續狂Belebala咁鬧！真係成個八婆咁！

臨走前我要求同D姊妹拎埋D披肩走,竟然未有囉(嘩！我唔出聲你唔講架啦！)！佢話要特登叫上邊間廠做,做完寄落黎,聽日先有！大佬,做乜唔係同D裙一齊做,順便寄落黎囉下....擺明唔記得左,要後補囉！ 

跟住成9:30PM先可以離開間鋪頭囉！

9月10日13:13PM 收到吳太既電話,披肩係今日先有,不過可能好夜,唔想我d姊妹等得太夜,於是,最好聽日先黎拎！(哦！又明晒啦！原來"聽日有"唔代表around放工時間有,要好夜先有！明晒！)

總結:

1. 吳太係一個醒目女,明知你咁近婚期,一定無時間同佢嘈！你想撻訂都無時間再搵其他公司造！

2. 人手嚴重不足！雖然話拎落黎先加工,但係佢得一條友,跟本唔夠時間！我九月結婚都唔算旺季架啦！都咁...十月十一月就真係.....

P.S. Cherry,Kitty..Sorry呀！介紹左你地黎呢間造裙！你地要跟緊D呀！

之後,就約左個係TST返工既姊妹一齊食飯...食飽飽後就去整Highlight...估唔到淨係Highlight無染底色都要三粒幾鐘！之後,bf放工又去Noel Chu度Final Fit...選擇恐懼症又再次出現....呵呵....男禮佩件要左三set...bf可以有三個look la! Yeah! K.Cat果然好好人呢！

姊妹手花就用絲花..一來襟d..二來又輕d..方便做野... 

 主人襟花(綠色蕙蘭+紅色絲帶)

左:兄弟襟花(粉紅玫瑰+白色絲帶)         右:新郎夜晚襟花(轉紅色玫瑰+轉紅色絲帶)

嘩...原來都好重下...拎到我死死下....

女家既...

男家既...